أكد الإعلامي عمرو أديب أن الانتقادات الموجهة إلى المسؤولين ليست شخصية، مشيرا إلى أن المسؤول لابد ألا يغضب من الانتقادات وأسئلة الناس.
وقال أديب خلال برنامج “الحكاية” المذاع على قناة “إم بي سي مصر”: “المسألة بالنسبالنا ليست شخصية وليست كيد، المسألة أن الطريق لو بكرة بقى كويس يبقى عظيم ولو الطريق عظيم كان بيان مجلس الوزراء ليه وكلام السيد كامل الوزير اللي قال إن الطريق محتاج 50 مليار جنيه للصيانة”.
وأضاف: “إحنا أحب ما علينا البلد تبقى جميلة وسيادة الوزير وهو معدي النهاردة حصل حادثة جنبه، في مشكلة إيه القضية أن في مشكلة نحلها؟ هما بقى عندهم حلول أن دي حادثة إمبارح ودا النهاردة وبكرة هيحصل تاني”.
وتابع: “هل لسه محتاجين نكابر؟ لا طبعا، حاجة من اتنين يا نتكلم ويبقى في سجال يا نسكت وانتوا مش هتنبسطوا أوي لو سكتنا وأنا عايز أشيد بشيء أن الناس كان عندها القدرة على الكلام وفي قدرة على التعبير والناس بتكلم في البرامج وهذا الأمر ليس معتادا أوي”.
وأوضح: “وشيء جميل أن المسؤول يرد عليك ويكلمك، الثقة دي مسائل أخلاقية والسياسة حاجة تانية، في السياسة في حسم ومجلس نواب وشعب يحاسب هل حد قبل هذه المأساة كان يعرف الطريق يتكلف كام؟”.
وواصل: “الناس بتقول إن الطريق اتكلف 8 مليار أو 15 ونقوم بصيانته بـ 50 مليار؟ هل احنا كنا نعلم أن العربية حمولتها 80 طن بتحمل 180 طن أدينا عرفنا طيب هي ليه العربية بتطلع أكتر من وزنها؟ ليه مبتخليهاش تحمل قد الوزن؟ أنا مالي أنا شخصيا أعمل ايه؟”.
وأكمل: “حضرتك عدا قدامتك وهو شاور وقالك شايف العربية دي محملة أكتر من حمولتها سيادة الوزير مهي ممكن تتقلب بعد 2-3 كم أرجو بس بهدوء والله من غير أي زعل ولا حاجة الاعلام بيسأل ومجلس النواب كان عنده تساؤلات ولازم يشعر المسؤول أن هناك حساب ولكن لما أسيب السايب في السايب قد يكون الضحية القادمة حد قريب مني أنا بنقذ عيلتي أنا كمان”.
وذكر: “ليس المسؤول بيحس أن ظننا فيه وحش؟ ليه يبقى زعلان؟ حضرتك زعلان ليه أنا أكلم مين؟ البرنامج ده من أكتر البرامج اللي عرض إنجازات السيد كامل الوزير ولكن الأشياء بعد ما اتعملت؟ آفة مصر الصيانة من أول اسانسيرات البيوت”.
واختتم: “احنا مش عايزين حاجة ولو سكتنا الناس مبترحمناش واحنا دورنا أننا نوصل نبض الناس والناس في الشارع بتسأل”.
