رسالة قاسية من تامر أمين إلى الشماتين في خسارة الأهلي أمام بالميراس البرازيلي

وجّه الإعلامي تامر أمين رسالة انتقادية حادة إلى من وصفهم بـ “الشماتين”، عقب خسارة النادي الأهلي أمام بالميراس البرازيلي بهدفين دون رد، ضمن منافسات الجولة الثانية من المجموعة الأولى في بطولة كأس العالم للأندية المقامة حاليًا في الولايات المتحدة الأمريكية.

وقال أمين، خلال تقديمه برنامجه “آخر النهار” على قناة “النهار”، مساء الجمعة، “أنا عارف إننا زعلانين من النتيجة علشان المستوى، لكن كلامي مش للأهلاوية، كلامي للناس اللي شمتوا. هو أنت مالك؟ هو الشماتة دي إنجاز؟ بتشمت ليه في نادي مصري وهو بيلعب على مستوى عالمي؟ حتى لو مش بيمثل غير نفسه، ليه الشماتة؟”.

انتقاد لثقافة الفرح في خسارة الآخر

وتابع “لو الزمالك خسر في الكونفدرالية، نفرح؟ أو بيراميدز خسر في نهائي إفريقيا، هل الشماتة مقبولة؟ ليه اللي حلال على الآخرين حرام على الأهلي؟ ليه لما الأهلي يخسر نعمل فرح؟ هو ده السؤال اللي لازم يتجاوب عليه”.

وختم حديثه برسالة مواساة لجماهير القلعة الحمراء، قائلًا: “للأهلاوية اللي زعلانين زيي، متزعلوش، أنا عارف إن الإحباط كبير، صحيح السكواد قوي والصفقات ممتازة، لكن مش مستبشر جدًا في المرحلة دي، لأن الكنافة بالطرشي محتاجة وقت علشان تنسجم”.