استبعد الدكتور محمد فؤاد الخبير الاقتصادي أن يرتفع سعر الدولار بشكل كبير كما حدث في فترات سابقة، مشيرا إلى أنه قد ينخفض إلى مستوى 47 جنيها.
وقال فؤاد خلال برنامج “الحكاية” المذاع على قناة “أم بي سي مصر”: “سيناريوهات يوم القيامة بتاعه اللي هو ‘الحق ده بـ70، الحق ده بـ60، ده مش عارف إيه، في اللحظة اللي إحنا فيها مستبعدة أنا شايف سعر الدولار في معدل 48 – 51، بس عادي لو نزلنا، لو نزلنا، ننزل لـ47 جنيه، طول ما قواعد اللعبة ماشية بالشكل اللي إحنا موجودين فيه”.
وأشار فؤاد إلى أن استقرار سعر الصرف ليس فقط نتيجة جهد محلي، قائلًا: “وخلي بالك، مش برضه جدعنة مننا، هي العوامل الخارجية خدمانا أنا برضه بستخدم الكلمة دي وأنا عارف أنا بقولها إزاي بقول حظنا ماشي إحنا حظنا ماشي، والظروف العالمية بتخدم”.
وفيما يخص السياسات النقدية العالمية، قال محمد فؤاد: “لو إحنا بنتكلم في الولاية الأمريكية الحالية، بتضغط على الفيدرالي بقالها مليون سنة عشان يخفض الفايدة”.
